काठमाडौं । नेपाल क्रिकेट संघ (क्यान)ले नेपाल महिला राष्ट्रिय क्रिकेट टोलीको जर्सी प्रायोजनका लागि दरखास्त आह्वान गरेको छ । आज एक सूचनामार्फत क्यानले जर्सी प्रायोजनका लागि इच्छुक तथा योग्य व्यावसायिक संस्थालाई प्रस्ताव पेस गर्न आग्रह गरेको हो ।

जर्सी प्रायोजनको न्यूनतम वार्षिक मूल्य ६० लाख रुपैयाँ कायम गरिएको छ ।

क्यानका अनुसार, प्रायोजनको अवधि तीन वर्षको हुनेछ । त्यसपछि वृद्धिका लागि आपसी सहमतिमा निर्णय गरिनेछ । प्रायोजकको ब्रान्ड महिला टोलीको जर्सीको अगाडिपट्टि राखिनेछ ।

आवेदन पेस गर्ने अन्तिम मिति अगस्ट ३० तारिख बिहान ११ बजेसम्म तोकिएको छ । आवेदनका साथमा ३० हजार रुपैयाँ धरौटी बुझाउनुपर्नेछ ।

आवेदन दिन कम्पनी दर्ता, भ्याट/प्यान प्रमाणपत्र, कर चुक्ता प्रमाणपत्र, व्यवसाय सञ्चालन इजाजतपत्र, कम्पनीको प्रोफाइल र विगतका प्रायोजन अनुभव (यदि भएमा) बुझाउनुपर्नेछ